ABŞ Prezidenti Donald Tramp Tailandd və Kamboca arasında münaqişəni dayandırmaq niyyətindədir.

Oxu.Az-ın xəbərinə görə, bu barədə Tramp özünün "Truth Social" hesabında yazıb.

ABŞ lideri Kambocanın Baş naziri Hun Manetə zəng edib, daha sonra Tailandın baş naziri vəzifələrini icra edən Phumtam Veçayaçay ilə danışıb.

"Elə alınıb ki, biz hər iki ölkə ilə gömrük rüsumları ilə bağlı ticarət danışıqları aparırıq, amma müharibə davam edəcəksə, biz onlarla heç bir sövdələşmə etmək istəmirik. Mən bunu onlara birbaşa dedim", - Tramp bildirib.

Prezident qeyd edib ki, Banqkokla danışıqlardan sonra hər iki tərəf hərbi əməliyyatları dayandırmaq istəyini ifadə edib.

Onun sözlərinə görə, iki ölkə arasında mövcud hərbi eskalasiya ona son vaxtlar Hindistan və Pakistan arasında eskalasiyanı xatırladıb.

Xatırladaq ki, iyulun 23-24-də Tailand-Kamboca sərhədində gərginlik yaranıb və döyüşlər başlayıb. Hər iki tərəfdən dinc sakinlər də daxil olmaqla, ölən və yaralananlar var.