Beynəlxalq Valyuta Fondu (IMF) 2025-ci ildə Azərbaycanın tədiyə balansının cari əməliyyatlar hesabının profisitini ÜDM-in 7,8 %-i səviyyəsində proqnozlaşdırır.

İndex.az IMF-ə istinadən xəbər verir ki, 2026-cı ildə cari əməliyyatlar hesabının profisiti ÜDM-in 4,9 %-nə, 2027-ci ildə isə 1,3 %-nə qədər azalacaq.

2028-ci ildə cari əməliyyatlar hesabının kəsiri ÜDM-in 1,7 %-i səviyyəsində proqnozlaşdırılır, 2029-cu ildə isə 2,5 %-ə qədər artacaq.

2024-cü ildə ölkənin cari əməliyyatlar hesabının profisiti 4,7 milyard ABŞ dolları təşkil edib ki, bu da ÜDM-in 6,3 %-nə bərabərdir.

Dünya Bankı 2025-ci ildə Azərbaycanın cari əməliyyatlar hesabının profisitini ÜDM-in 11,6 %-i səviyyəsində proqnozlaşdırır. Bank bu göstəricinin 2026-cı ildə ÜDM-in 5,4 %-nə, 2027-ci ildə 3,8 %-nə, 2028-ci ildə 3,6 %-nə, 2029-cu ildə isə 3,4 %-nə qədər azalacağını gözləyir.

Azərbaycan hökumətinin proqnozlarına görə, 2025-ci ildə cari əməliyyatlar hesabının profisiti ÜDM-in 5,6 %-i səviyyəsində gözlənilir. 2025-2028-ci illərdə neft və qaz hasilatı üzrə proqnozlar nəzərə alınmaqla, cari əməliyyatlar hesabının profisiti ildə ÜDM-in təxminən 3 %-ni təşkil edəcək.

Azərbaycan Mərkəzi Bankı 2025-ci ildə tədiyə balansının cari əməliyyatlar hesabının profisitini 5,5 milyard ABŞ dolları həcmində gözləyir.