"Canişin" əfəndinin komandası deyəsən Ginnesin "Rekordlar" kitabına düşməyə qərar verib.
İddialara görə, Naxçıvan MR-ın yeni təyin olunan İqtisadiyyat naziri Kazım Hüseynəliyevin "darğalılığı" cəmi bir neçə saat sürüb. Bildirilir ki, adam təyinatdan sonra Naxçıvandan Bakıya qaçıb və "Mən onun naziri olmaq istəmirəm" deyib səsini başına atıb.
İddiaların nə qədər doğru olduğunu deyə bilmərəm. Amma fakt budur ki, Naxçıvanın bütün rəsmi media orqanları bu sabah təyinatla bağlı yazdıqları xəbərləri siliblər.
Bununla belə qəm yeməyə dəyməz. Kazım Hüseynəliyev müəllim bundan sonra rahatlıqla and içib "Mən də nazir olmuşam",- deyə bilər.
Heydər Oğuz