Müğənni Vəfa Şərifova şou-biznes aləmində gündəmə gəlməsi üçün ona yazılan mahnılar, çəkilən kliplərə pullar xərcləndiyini etiraf edib.

TEREF.AZ Yenicag.az-a istinadla xəbər verir ki, canlı yayımda aparıcı Zaur Kamal müğənniyə “Tanınmağın üçün nə qədər pul xərclədin?” sualını ünvanlayıb.

Sənətçi məbləğ açıqlamasa da, reklamı üçün xeyli məbləğ xərcləndiyini bildirib:

“Mən real adamam, durub yalandan deyə bilmərəm ki, ay mənim istedadım var, buna görə tanındım, yox, müəyyən pullar xərclənib. Pulları özüm xərcləmədim, bilirsiz xərcləyən kimdir. Məbləğ açıqlamayacağam, amma az da xərclənməyib”.

Vəfa həmin pulların havaya sovrulmadığını və hazırda onun xeyrini gördüyünü də bildirib.

Sənətçi bu barədə “Həmin Zaur” verilişində danışıb.