Tanınmış müğənni Teylor Sviftin nişanlanması brilyant istehsalçıları üçün əla xəbər olub.

Bu barədə "The Wall Street Journal" yazır.

Avqustun 26-da ifaçı və futbolçu Trevis Kelsinin nişanı elan olunduğu gün brilyant və zərgərlik pərakəndə satış şirkətləri "Signet Jewelers" və "Brilliant Earth" səhmləri müvafiq olaraq 3% və 26% bahalaşıb.

Belə ki, Teylor Sviftin nişanlanması nişan üzüklərinə marağın artmasına səbəb olub. Kelsinin Sviftə verdiyi üzüyün qiyməti 250-500 min dollar aralığındadır. O təbii brilyant daşlarla bəzədilib.

Əksər istifadəçilər üçün bu, əlçatmaz olsa da, xanım Sviftin nişanlanması sintetik brilyantlarla bəzədilmiş zərgərlik məmulatlarının satışını artıra və pərakəndə satışçılara əlavə gəlir gətirə bilər.