Türkiyə təhlükəsizlik qüvvələrinə təslim olan PKK-çı sözügedən terror təşkilatında yeni problemlərin meydana gəldiyini deyib.

Axar.az xəbər verir ki, adı açıqlanmayan PKK-çı terrorçuların öz ideologiyalarına olan inamlarını getdikcə itirdiklərini bildirib.

“Xalqın PKK-ya dəstəyi azalıb. Terrorçular artıq PKK-nın süquta uğrayacağını düşünməyə başlayıblar. Digər üzvlər də mənim kimi qaçıb Türkiyəyə təslim olmaq istəyirlər”, - o bildirib.
Terrorçu digər PKK-çıları tez bir zamanda silahı yerə qoyub təslim olmağa çağırıb.