Türkiyənin məşhur jurnalisti Can Dündara sui-qəsd cəhdi olub

6-05-2016, 22:13           
Türkiyənin məşhur jurnalisti Can Dündara sui-qəsd cəhdi olub

can dundarBu gün İstanbuldakı Çağlayan Ədliyyə binasının qarşısında Türkiyənin tanınmış jurnalisti Can Dündara sui-qəsd cəhdi olub.

APA-nın “Hürriyet”ə istinadən verdiyi məlumata görə, hazırda məhkəməsi gedən jurnalistə tərəf binanın qarşısında odlu silahdan 2 dəfə atəş açılıb. Güllələr C. Dündara dəyməyib. Atılan güllələrdən biri NTV-nin müxbiri Yavuz Şenkalın ayağını sıyırıb. Atəş açan şəxs yaxalanıb.

C. Dündar hadisənin ona göz dağı vermək məqsədilə törədildiyini vurğulayıb: “Yaxşıyam, problem yoxdur. Məhkəmədə fasilə idi, bayıra çıxanda bu hadisə baş verdi”.

Atəş açanı gördüyünü bildirən jurnalist “onun kim olduğunu hələ bilmirik, amma bizi kimin hədəf göstərdiyini bilirik”, – deyə söyləyib.

Qeyd edək ki, prezident Ərdoğanın şikayəti əsasında C. Dündara qarşı dövlət sirrini yaymaq ittihamı ilə cinayət işi qaldırılıb. O, 92 gün həbsdə yatdıqdan sonra sərbəst buraxılıb. Prokuror jurnalistin 25 il müddətinə azadlıqdan məhrum edilməsini istəyib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru