Türkiyənin sabiq prezidenti Abdullah Gülün müşaviri Əhməd Sevər sosial şəbəkədə saxta hesab açıb, Gülü ləkələməyə çalışanları Prezident Rəcəb Tayyib Ərdoğana şikayət etdiklərini deyib.
Axar.az xəbər verir ki, “Cümhuriyyət” qəzetinə müsahibə verən Əhməd Sevər Abdullah Gülə qara yaxmaq istəyən adamların kim olduqlarını çox yaxşı bildiyini qeyd edib:
“Onların kim olduqlarını, kim tərəfindən idarə edildiklərini bilirik. Həmin şəxslərin mərkəzi qərargahı var və bütün tapşırıqlar oradan gəlir. Əldə etdiyimiz məlumatlara görə, bu əməliyyatı həyata keçirən şəxs prezidentin müşaviri Mustafa Varankdır. Onlar çox güclü şəkildə fəaliyyət göstərirlər. Həmin bu saxta hesabları istifadə edən adamların ləkələmə metodları bunlardır: yalan, şantaj, böhtan, hədə, təhqir”.