Türkiyənin BMT-dəki daimi nümayəndəsi Feridun Sinirlioğlu ölkəsinin Suriyada PKK/YPG terror təşkilatına qarşı mübarizəsi ilə bağlı ittihamlar irəli sürən Çin nümayəndəsinə sərt reaksiya verib.
Türk nümayəndəsi heç kimin ittihamlarını qəbul etmədiklərini deyib.

“Heç bir ölkənin terrorla mübarizəmizdə bizə dərs verməyə haqqı yoxdur. Bu gün eşitdiyimiz və sərhədlərimizi, xalqımızı qoruyarkən nə etməli və etməməli olduğumuzu söyləməyə özünə haqq görən açıqlamaları rədd edirik”, - deyə Sinirlioğlu bildirib.

“PKK/YPG/SDQ şimal-şərqdə xalqa təzyiq edir və separatçı gündəmini həyata keçirir. İŞİD-lə mübarizə bəhanəsi ilə bu terrorçu-separatçı təşkilata dəstək vermək hər şeydən əvvəl Suriyanın ərazi bütövlüyünə bağlılığı təsdiqləyən BMT qətnamələrinə ziddir”, - Türkiyə rəsmisi vurğulayıb.