Türkiyə Ukraynada vəziyyətin tənzimlənməsi ilə bağlı danışıqların təşkili imkanını nəzərdən keçirir.
İqtisadiyyat.az xəbər verir ki, bu barədə RİA Novosti-yə Türkiyə prezidenti Rəcəb Tayyib Ərdoğanın administrasiyasından məlumat verilib.

Bildirilir ki, tərəflərin Türkiyəyə olan etimadı və bu ölkənin beynəlxalq diplomatiyada qazandığı təcrübə bu ehtimalı real edir.

“Hazırda konkret razılaşma yoxdur, lakin belə bir ehtimal mövcuddur”, – deyə mənbə vurğulayıb.

Mayın 5-də ABŞ prezidenti Donald Tramp bildirib ki, Ukraynadakı münaqişənin həlli istiqamətində Rəcəb Tayyib Ərdoğanla birlikdə çalışmaq niyyətindədir.

Elə həmin gün Ərdoğan da Tramp ilə “telefon diplomatiyası” apardığını və Ukraynadakı münaqişənin həlli ilə bağlı onun baxışlarını dəstəklədiyini açıqlayıb.