Məşhur türkiyəli müğənni, İbrahim Tatlısəsin qızı, Dilan Çıtak Muğlanın Bodrum rayonunda saxlanılıb.
Türkiyə mediası xəbər verir ki, məşhur müğənninin qızı həbs edilib.

Məlumata görə, müğənni polis əməkdaşının "dayan" xəbərdarlığına məhəl qoymayıb və avtomobilini onun üzərinə sürüb.

Bu zaman polis havaya xəbərdarlıq atəşi açılıb.

Hadisə şahidlərinin bildirdiyinə görə, sənətçi əvvəlcə maşından düşməkdən imtina edib.

Dilan Çıtak Tatlıses barəsində “yol hərəkətini təhlükəyə atmaq”, “dayan xəbərdarlığına tabe olmamaq” və “dövlət qulluqçusuna müqavimət göstərmək” maddələri ilə cinayət işi açılıb. Onun polis idarəsindəki istintaq prosesi davam edir.