Britaniyanın Baş naziri Rişi Sunak bu gün Münxendə ABŞ-ın vitse-prezidenti Kamala Harrislə görüşüb.

APA-nın Britaniya bürosunun xəbərinə görə, liderlər Putinin Ukraynada apardığı müharibənin həm ərzaq və enerji təhlükəsizliyinə təsiri, həm də suverenlik kimi beynəlxalq səviyyədə qəbul edilmiş normalara təsirləri baxımından qlobal müharibə olduğunu qeyd ediblər.

Baş nazir və vitse-prezident K.Harris Putini siyasi və hərbi cəhətdən dəstəkləyən ölkələri qınayıb.

Liderlər Ukrayna ilə bağlı beynəlxalq tədbirləri necə sürətləndirməyi, onlara müharibədə qalib gəlməyi, ədalətli və davamlı sülhü təmin etməyə necə kömək edə biləcəklərini müzakirə ediblər.