Azərbaycanda ətraf mühitin qorunması istiqamətində son illərdə hüquqi mexanizmlər genişləndirilsə də, onların real həyatda tətbiqi hələ də ciddi suallar doğurur. Plastik tullantılar məsələsi də bu çərçivədə diqqət çəkir. Marketlərdə, iaşə obyektlərində və digər ticarət məkanlarında gündəlik istifadə olunan plastik torbalar və qablaşdırmalar ekoloji tarazlıq üçün böyük təhlükə mənbəyi olaraq qalır.

Ölkədə plastik tullantıların azaldılması məqsədilə bir sıra normativ sənədlər mövcuddur, lakin müşahidələr onların əksər hallarda kağız üzərində qalmasından xəbər verir.

Ticarət mərkəzlərində plastik torbaların pullu olması və ya alternativ qablaşdırma vasitələrinin təşviqi nəzərdə tutulsa da, bu tədbirlərin tətbiqində vahid mexanizmin olmaması effektivliyi azaldır.

"DogruXeber.az" bildirir ki, xüsusilə bölgələrdə plastik torbalardan istifadənin azaldılması istiqamətində nəzarət və maarifləndirmə işi ya aparılmır, ya da formal xarakter daşıyır. Nəticədə hər gün tonlarla plastik tullantı təbiətə atılır və bu tullantıların əksəriyyəti ya yandırılır, ya da kanalizasiya sisteminə qarışaraq çaylara və göllərə axır.

Bəzi özəl müəssisələr və yerli təşəbbüslər vasitəsilə bərpaolunan materiallardan istifadə təşviq edilsə də, bu, hələlik yalnız kiçik miqyaslı pilot layihələrlə məhdudlaşır. Əgər mövcud qanunvericiliyin tətbiqi gücləndirilsə, maarifləndirmə tədbirləri real şəkildə icra edilsə və cərimə mexanizmləri ciddi tətbiq olunsa, yaxın illərdə bu sahədə müsbət dəyişikliklər mümkündür. Əks halda, plastik tullantılar problemi daha da dərinləşərək gələcək nəsillərə ötürüləcək bir ekoloji