50 ildən çox davam edən sürətli artımdan sonra ABŞ-nin immiqrant əhalisinin sayı azalmağa başlayıb.
Bu barədə "Pew Research Center"in hesabatında deyilir.

Bildirilir ki, 2025-ci ilin yanvar ayında ölkədə 53,3 milyon immiqrant yaşayırdı, bu da tarixdə rekord göstəricidir. Lakin sonrakı aylarda ölkəni tərk edən və ya deportasiya olunan immiqrantların sayı gələnlərin sayını üstələyib. İyun ayına qədər ABŞ-də əcnəbilərin sayı 1960-cı illərdən bəri ilk dəfə olaraq bir milyondan çox azalıb.

"Pew Research Center" tərəfindən hazırlanan ABŞ Siyahıyaalma Bürosunun məlumatlarının yeni təhlilinə əsasən, 2025-ci ilin iyun ayına olan məlumata görə, ölkədə 51,9 milyon immiqrant yaşayıb ki, bu da ümumi əhalinin 15,4 %-ni təşkil edir. Başqa sözlə, bu yaxınlarda qeydə alınmış 15,8 %-lik tarixi maksimumdan geriləmə baş verib.