Rusiyanın uzaq şərqində məhkəmə cümə günü ABŞ konsulluğunun keçmiş əməkdaşı Robert Şonovu Rusiyanın milli təhlükəsizliyinə xələl gətirmək üçün ABŞ hökuməti ilə qeyri-qanuni və gizli əməkdaşlıq etməkdə təqsirli bildiyini və onu təxminən 5 il müddətinə həbsə məhkum etdiyini bildirib.

Rusiyanın FSB təhlükəsizlik xidməti Rusiya vətəndaşı olan Şonovu 2023-cü ilin mayında Vladivostokda saxlayıb və onu ABŞ diplomatlarına gizli şəkildə Rusiyaya potensial zərər verə biləcək məlumatları çatdırmaq üçün pul almaqda ittiham edib.

Birləşmiş Ştatlar şənbə günü pisləyib və bunu "dəhşətli ədalətsizlik" adlandırıb.

Dövlət Departamentinin sözçüsü Metyu Miller açıqlamasında "Cənab Şonova qarşı ittihamlar tamamilə uydurmadır və əsassızdır" deyib.

Rusiyanın ucqar şərqindəki Primorsk vilayətində məhkəmə cümə günü verdiyi bəyanatda Şonovun təqsirli bilindiyini və onu cəzaçəkmə müəssisəsində 4 il 10 ay həbs cəzasına məhkum etdiyini təsdiqləyib.

Məhkəmənin paylaşdığı videoda, Şonovun hakimin ona qarşı çıxarılan hökmu məhkəmə zalındakı qəfəsdə dinlədiyi əks olunub.

FSB 2023-cü ilin avqustunda Şonovun etirafını əks etdirdiyini iddia etdiyi video yayımlayıb. Həmin videoda o, Rusiyanın Moskvada fəaliyyət göstərən, daha sonra isə ölkədən qovulan iki yüksək rütbəli ABŞ diplomatının ondan Rusiyanın Ukraynadakı müharibə səyləri, "yeni ərazilərin" ilhaqı, ordunu səfərbər etməsi, və 2024-cü il Rusiya prezident seçkiləri haqqında məlumat toplamasını xahiş etdiyini söyləyib.

Videoda Şonov bildirib ki, ona bu mövzularda “mənfi” məlumatlar toplamaq, xalq arasında etiraz əlamətlərini axtarmaq və öz hesabatlarında bunları əks etdirmək tapşırılıb.

Onun təzyiq altında danışıb-danışmadığı bəlli deyildi.

Şonov 2021-ci ildə Rusiya ABŞ missiyasının yerli işçilərini işdən çıxarmaq əmrini verənə qədər 25 ildən çox ABŞ-ın Vladivostokdakı Baş Konsulluğunda çalışıb.