Avropa Şurası ABŞ-yə qarşı ticarət tariflərini təsdiqləyib
10-04-2025, 08:14
Avropa Şurası aprelin 15-dən qüvvəyə minəcək ABŞ mallarına tətbiq edilən ilk tarif paketini təsdiqləyib.
Bu barədə Avropa Şurasının mətbuat xidməti məlumat yayıb.
“Avropa İttifaqı ölkələri Avropa Komissiyasının ABŞ-yə qarşı ticarətlə bağlı əks-tədbirlər tətbiq etmək təklifinin lehinə səs verib”, - bəyanatda deyilir.
Sənəddə vurğulanır ki, bu tariflər ABŞ-nin polad və alüminium tariflərinin birinci blokuna cavab olaraq tətbiq edilir və aprelin 15-dən başlayacaq.
Tariflər 21 milyard avroluq Amerika idxalına şamil ediləcək.
