Azərbaycanda yüksəkgərginlikli elektrik ötürücü xətlərin altındakı torpaq sahələrinin dəyərləndirilməsi işlərinə başlanılır.

TEREF "Trend"ə istinadən xəbər verir ki, həmin torpaq sahələrinin dəyərləndirilməsi ilə yanaşı, mütəxəssis rəyi və AZURE layihəsi üçün müəyyən hesabatların hazırlanması işləri də həyata keçiriləcək.

Məlumata görə, "Azərenerji" Açıq Səhmdar Cəmiyyəti (ASC) bununla bağlı müvafiq işləri tamamlayıb.

Belə ki, ASC bu işlərin icrasını "Real Prays" Məhdud Məsuliyyətli Cəmiyyətinə (MMC) həvalə edib və müqavilə bağlayıb.

Müqaviləyə əsasən, MMC-yə 359,9 min manat ödənilib.

"Real Prays" MMC 2007-ci ildə dövlət qeydiyyatına alınıb. Nizamnamə kapitalı 20 manat olan MMC-nin qanuni təmsilçisi Ehtibar Haxverdi oğlu Nəsirovdur.