İsrail 2007-ci ildə Suriyada nüvə reaktorunu bombaladığını etiraf edib.

Virtualaz.org bildirir ki, İsrail ordusunun saytında yerləşdirilən məlumatda belə deyilir.

Məlumata görə, əməliyyat həmin il sentyabrın 5-dən 6-na keçən gecə baş verib. Praktiki olaraq tamamlanmış müəssisə Deyr əz-Zor əyalətində-Dəməşqin 280 mil şimal-şərqində yerləşib.

“4 ədəd F-16 təyyarəmiz yalnız İsrail deyil, bütün region üçün yaranan təhlükəni zərərsizləşdirdi”, - deyə məlumatda bildirilib.

İsrail məlumatı indiyə qədər gizlətməsinə səbəb kimi ərazinin uzun müddət İŞİD terror qruplaşmasının nəzarətində qalmasını göstərib.