Limon qabığı zəngin qida dəyəri və müxtəlif xüsusiyyətləri ilə sağlamlıq və gündəlik həyat üçün çox faydalıdır. Foodinfo.az xəbər verir ki, onun tərkibində C vitamini, pektin, lif və antioksidantlar olduğundan, immuniteti gücləndirmək, həzmi yaxşılaşdırmaq və dəri sağlamlığını dəstəkləmək üçün istifadə edilə bilər. Limon qabığının çayı metabolizmanı sürətləndirir, qaraciyəri təmizləyir və detoks effektinə malikdir.Bundan başqa, limon qabığı təbii təmizləyici kimi də faydalıdır. Antibakterial xüsusiyyətləri sayəsində mətbəx səthlərini, çaydan və ya qazanları təmizləməkdə də kömək edir. Qabığın qurudulmuş halını şirniyyatlarda, tortlarda ətir artırıcı kimi istifadə etmək olar. Eyni zamanda, limon qabığı təbii bir ətir kimi evdə xoş qoxu yaratmaq üçün də istifadə edilir. Ümumiyyətlə, limon qabığı təbii, sağlam və ekoloji olaraq çox məqsədli bir vasitədir.