Ağ tut zəngin qida dəyəri və sağlamlıq faydaları ilə tanınan bir meyvədir. Tərkibindəki C, K, E vitaminləri, dəmir, kalsium və antioksidantlarla immun sistemini gücləndirir və hüceyrələri qoruyur.Foodinfo.az xəbər verir ki, ağ tut, xüsusilə qanazlığı olan insanlar üçün faydalıdır, çünki dəmir və fol turşusu tərkibi ilə qırmızı qan hüceyrələrinin artmasını dəstəkləyir.Ağ tut həzm sistemi üçün də faydalıdır, tərkibindəki lif bağırsaq hərəkətlərini yaxşılaşdırır və qəbizliyin qarşısını alır. Antioksidant tərkibi sayəsində orqanizmdəki sərbəst radikallarla mübarizə aparır və xərçəng riskini azaldır. Həmçinin təbii enerji mənbəyi olaraq yorğunluğu aradan qaldırmağa və bədənə canlılıq qatmağa kömək edir.Ağ tutu quru və ya təzə şəkildə istehlak etmək mümkündür, lakin yüksək şəkər tərkibi səbəbindən şəkər xəstələri üçün ölçülü istifadə vacibdir.