Azərbaycanın Şimali Koreyadan builki idxalının həcmi açıqlanıb
17-06-2021, 21:53
Bu ildən başlayaraq Azərbaycan Şimali Koreyadan (Koreya Xalq Demokratik Respublikası) idxala başlayıb.
Bu barədə Valyuta.az-a Dövlət Gömrük Komitəsindən bildirilib.
Qurumun yaydığı hesabatda göstərilir ki, cari ilin yanvar-may aylarında Azərbaycan Şimali Koreyadan 28,34 min ABŞ dolları dəyərində mal idxal edib. Təkcə may ayında isə idxalın həcmi 7,68 min dollara bərabər olub.
Dövlət Statistika Komitəsinin yaydığı hesabatda isə qeyd edilir ki, bu ilin yanvar-aprel aylarında Azərbaycan Şimali Koreyadan 0,18 ton həcmində 20,66 min dollarlıq kran, klapan, boru kəməri armaturları gətirib.
