“Azərbaycanlı Azərbaycanda yaşayan deməkdir. Etnik mənsubiyyətimizdən asılı olmayaraq hamımız Azərbaycanlıyıq. Bu gün Azərbaycanda hər etnik qrup öz adı ilə adlanır. Lakin türklər istisna olaraq azərbaycanlı adını daşıyır”.

Modern.az-ın məlumatına görə, bunu Azərbaycan Dövlət Neft Şirkətinin keçmiş prezidenti, iqtisadçı ekspert Sabit Bağırov bildirib.

S.Bağırov qeyd edib ki, türklərin azərbaycanlı adını daşıması düzgün deyil:

“Türklər sanki diskriminasiya olunmuş etnik qrupdur. Bu Stalin siyasətinin nəticəsidir. 30-cu illərin ortalarından (dəqiq ili bilmirəm. Deyilənə görə 1937-ci ildən) Şimali Azərbaycanda yaşayan türkləri azərbaycanlı adlandırdılar. O zaman ciddi müqavimət olmadı. O quldur rejimində mümkün deyildi. İndi isə ölkəmiz müstəqildir. Tarixi ədaləti bərpa etmək mümkündür. Əlimizdən gələni edib adımızı qaytarmalıyıq!".