“Azərbaycan Respublikası vətəndaşı Rəşad Əlizadə “Artsax Respublikası” vətəndaşlığı almaq xahişi ilə “Artsax Respublikası” “xarici işlər nazirliyinə” müraciət edib”.

Moderator.az xəbər verir ki, bu məlumatı Xankəndindəki separatçı nəşrlər yayıb. “”Artsax” XİN-ə yaxın mənbə olay barədə başqa məlumat olmadığını bildirib”. Separatçıların yaydığı xəbərdə belə deyilir.

Adı çəkilən Rəşad Əlizadənin kimliyi haqda əlimizdə hələlik heç bir informasiya yoxdur.

Sözügedən şəxsin 2017-ci ilin noyabrında Azərbaycan Respublikası Vergilər Nazirliyi tərəfindən 3 il Gürcüstan və Qazaxıstanda yaşadığı halda məhkəmə vasitəsilə üzərinə 2015-ci ildə şirkət rəhbəri kimi 400 min manata yaxın borcun saxta şəkildə yazıldığını iddia edən Rəşad Əlizadə olub-olmaması dəqiq bilinmir. Həmin borca görə Rəşad Əlizadəyə Azərbaycan ərazisini tərk etmək qadağan edilmişdi.

Güman edirik ki, respublikamızın müvafiq qurumları tezliklə məsələyə aydınlıq gətirəcək.