Krımda baş verən partlayışların bir neçə mümkün səbəbi var, lakin onları dəqiqləşdirmək hələ ki, mümkün deyil.

Axar.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

“Rusiya tərəfinin məlumatına görə, onların hava hücumundan müdafiəsi pilotsuz uçuş aparatı vurub. İndi Rusiya hava hücumundan müdafiə qüvvələrinin Ukrayna PUA-nı vurub-vurmadığını, Kerçdə və ya Belbekdə PUA-nın olub-olmadığını müstəqil şəkildə yoxlamaq mümkün deyil. Ukrayna Rusiyanın maddi-texniki imkanlarını zəiflətmək, Dnepr çayının qərb sahilindəki əməliyyatları dəstəkləmək üçün Krımdakı hərbi obyektlərə zərbələri davam etdirəcək”, - məlumatda deyilib.