ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp Teylor Sviftin süni intellektin yaratdığı fotonu paylaşaraq, məşhur müğənninin dəstəyini aldığını iddia edib.
ABŞ-ın keçmiş prezidenti Donald Tramp özünün sosial şəbəkədəki "Truth Social" hesabında Teylor Svift və onun pərəstişkarları haqqında paylaşım edib.

"CNN"də yer alan xəbərə görə, Respublikaçıların prezidentliyə namizədi Tramp Sviftlə süni intellektin yaratdığı fotonu "qəbul edirəm" ifadəsi ilə paylaşıb.

Fotoda "Teylor Donald Trampa səs vermənizi istəyir" ifadəsi yer alıb.

Keçmiş prezident sosial media hesabında bəziləri süni intellektlə yaradılmış görüntü və fotolar paylaşaraq, Taylor Svift pərəstişkarlarının da onu dəstəklədiyini iddia edib.