Çin vətəndaşlara xaricdən gətirilən suvenirlərlə bağlı xəbərdarlıq edib.

Oxu.Az xəbər verir ki, bu barədə "Sinxua" agentliyi məlumat yayıb.

Çinin Dövlət Təhlükəsizliyi Nazirliyi vətəndaşlara xəbərdarlıq edib ki, başqa ölkələrdən gətirilən suvenirlər vasitəsilə izlənilmə ehtimalı mövcuddur.

"Xarici casus və kəşfiyyat orqanları diqqət çəkməyən kiçik əşyaları real vaxt rejimində yer təyinetmə və telefon dinləmə funksiyaları ilə təchiz edə bilərlər", - deyə agentlik bildirib.

Məlumata görə, bu cür risk daşıyan əşyalar arasında bel çantaları üçün asılqanlar, breloklar və digər aksesuarlar var. Xüsusilə məmurlar, məxfi xidmət əməkdaşları və alimlər bu cür izləmə cəhdlərinə daha çox məruz qala bilərlər.