Suriyanın İdlib və Həma şəhərlərinin yerli şuraları bəyanat yayımlayıb.

Axar.az xəbər verir ki, ortaq bəyanatda yerli sakinlərin Rusiya və Əsəd rejiminin bölgəyə müdaxilə etməsinə qarşı olduğu, onların Türkiyənin bölgədə nəzarətə sahib olmasının istənildiyi bildirilib.

"Biz yerli şuralar olaraq, Suriya inqilabına bağlı olduğumuzu bildirir və Əsəd rejimi ilə Rusiyanın regiondakı bütün müdaxilələrini rədd edirik", - bəyanatda qeyd edilir.

Bundan əlavə, bəyanatda Türkiyənin bölgəyə müdaxilə etməsi, hakimiyyətin təşkili, təhsil və səhiyyə təşkilatlarının yenidən fəaliyyətə başlaması üçün yardım istənilib.