Məşhur amerikalı müğənni Madonnanın konserti üçün Braziliyanın Kopakabana çimərliyinə təxminən 1,6 milyon insan toplaşıb.

Bizim.Media xəbər verir ki, bu haqda “The Guardian” məlumat yayıb.

Bildirilib ki, “Celebration World Tour”un yekun konsertində iştirak etmək pulsuz olub.

65 yaşlı ifaçının iki saatdan çox davam edən konsertində üç mindən çox polis əməkdaşı çalışıb. Ştat və şəhər hakimiyyət orqanları konsertin təşkili üçün təxminən 3,94 milyon dollar xərclədiklərini deyirlər. Qalan xərclər özəl investorlar tərəfindən ödənilib.