Rejissor Cavid Təvəkkül 300 min manat büdcəsi olan filmi çəkməkdən imtina edib.

"Ölkə.Az"-ın məlumatına görə, bu barədə rejissor özü bildirib:

"İlk filmimi çəkəndə "Facebook"um yox idi. "İnstagram"ın nə olduğunu bilmirdim. Cəmi 7000 manat büdcə var idi. Onu da çəkilişlər bitdikdən sonra verdilər. Yanımda Asif Rəhimov və Royal Əliyev var idi təkcə. Bu günsə təklif olunmuş 300 min büdcəli filmdən imtina etdim. Təbrik edirəm özümü!"

Qeyd edək ki, Cavid Təvəkkül "Cavad Xan" filmi haqqında hazırlanmış "Cavad Xan – Filmin Filmi" silsilə televiziya filmlərinin, Azarkeş", "Sovqat", "Əzizim Fellini" kimi filmlərin rejissorudur.