Türkiyə Parlamentinin Beynəlxalq Əlaqələr komitəsinin deputatları ABŞ sanksiyalar tətbiq etsə də, Ankaranın Rusiyanın S-400 zenit-raket sistemlərini almaq və istifadə etməkdən imtina etməyəcəyini söyləyib.

FaktXəbər-in məlumatına görə, bu barədə "İzvestiya" yazıb.

Bu komitənin üzvü Yunus Emreyə görə, Vaşinqtonun mümkün sanksiyaları səbəbindən Türkiyə “öz təhlükəsizliyini təhlükə altına sala bilməz”.

"Terrorizmlə mübarizə birbaşa sərhədlərimizdə aparılır. Coğrafi mövqeyimizə görə sanki bir atəş içərisindəyik", - deyib Emre.

Bundan əlavə, türkiyəli millət vəkili Öztürk Yılmaz ABŞ-ın Ankaraya "Patriot" qurğularını satmasına razı olmadığı üçün Ankaranın S-400 sistemləri almağa məcbur olması barədə fikirlərini dilə gətirib.

O vurğulayıb ki, S-400-lər Amerikanın sistemləri ilə birlikdə istifadə ediləcək.

"Ancaq bunlar ittifaq ölkələrinə qarşı yönəlməyəcək", - deyə Yılmaz əmin edib.