Almaniya Bundestaqının türk əsilli deputatı, "erməni soyqırımı" qətnaməsinə səs verən Cem Özdemir Türkiyə prezidenti Rəcəb Tayyib Ərdoğanın onunla bağlı fikirlərinə sərt reaksiya verib.

Strateq.az xarici mətbuata istinadən xəbər verir ki, C.Özdemir Ərdoğanın sözlərini "hədə" adlandırıb və onların çağdaş dövrlə səsləşmədiyini bildirib: «Bu təhdidlər məni yönləndirə bilməz. Almaniya parlamenti hansısa hökmran liderin kefinə görə qərarlar verməyə məcbur deyil».

Qeyd edək ki, dünənki açıqlamasında Ərdoğan C.Özdəmir haqqında bunları demişdi: «Guya, türkdür. Nə türkü? Bunların qanını laboratoriyada yoxlamaq lazımdır».