"DogruXeber.az" sozcu.com.tr-yə istinadən xəbər verir ki, İngiltərə Xarici İşlər Nazirliyi vətəndaşları üçün hazırladığı bələdçi ilə Türkiyəyə gedən turistlərə xəbərdarlıq edib.

Turizm mövsümünün başlaması və türk lirəsinin ingilis funt sterlinqinə qarşı son ucuzlaşması ilə İngiltərə Xarici İşlər Nazirliyindən bir çox Britaniya vətəndaşının tez-tez üz tutduğu Türkiyə ilə bağlı açıqlama gəlib.

Nazirliyin ingilislərə bələdçi olaraq hazırladığı mətndə ingilis turistlərin Türkiyədə diqqətli olması lazım olduğu bildirilib. Bir milyondan çox britaniyalının Türkiyəyə tətilə gələcəyi proqnozlaşdırılan açıqlamada Suriya sərhədinə 10 kilometr getmək, Şırnak və Hakkari şəhərlərinə getməmək tövsiyə edilib.

Heç bir səfərin təhlükəsiz olacağına zəmanət verilə bilməyəcəyinə diqqət çəkən açıqlamada, "Türkiyəyə gedəcəklər də müvafiq səyahət sığortası etdirməlidirlər" ifadəsi işlədilib. Bu cür açıqlamalarla vətəndaşlarına vaxtaşırı xəbərdarlıq edən ingilislər keçmişdə də oxşar açıqlamalarla gündəmə gəlib.

Britaniya rəsmiləri də yerli mediaya açıqlamalar veriblər. Rəsmilər The Independent-ə deyiblər: “Britaniya vətəndaşlarının təhlükəsizliyi bizim əsas qayğımızdır. Biz müntəzəm olaraq hər bir ölkə və region üçün səyahət məsləhətlərini nəzərdən keçiririk. “Səyahətlə bağlı məsləhət məkanında terrorla bağlı dəyişikliklər göstərir ki, terror təhlükəsi indi daha çox müxtəlif qruplardan gələ bilər”. Bu xəbərdarlıqların tövsiyə xarakterli olduğu da vurğulanıb.