Almaniyanın önəmli qəzetlərindən biri olan “Bild” Türkiyədə kürd əsilli millət vəkillərinin həbsindən sonra bu gün Rəcəb Tayyib Ərdoğanı diktator kimi qələmə verib. Qəzetin internet saytında da bu xəbərə geniş yer verilib.
Gununsesi.info Türkiyə mətbuatına istinadən xəbər verir ki, həmin başlıqdan sonra qəzet “Bu işin sonu haraya gedir? ” sualını qoyub.
Xəbərdə aşağıdakı fikirlər qeyd olunub: “Gecə yarısı müxalif siyasətçilər nəzarətə götürülüb. Və yenə bir partlayış baş verib (Diyarbakır). Türkiyə daxili çəkişmələrə sürüklənir. Prezident getdikcə diktatorlaşır. 15 iyul çevriliş cəhdlərindən sonra 36 min şübhəli nəzarətə götürülüb. Həbsxanalar dolub. İqtidara qarşı çıxanlar nəzarət altına alınır, çevrilişə qarşı çıxanlar belə”.