“Ölkəmizdə dərman qıtlğının iki səbəbi var”.

Bunu “Dərman vasitələri haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsinə münasibət bildirərkən səhiyyə nazirinin müavini Rasim İsmayılov bildirib.

“Beynəlxalq dərman bazarında qeyri-sabitlik nümayiş olunur. Buna səbəb geosiyasi məsələlər, pamdemiya, Rusiya-Ukrayna müharibəsi, enerji daşıyıclılarının qiymətinin artması, xammal qıtlığı digər sahələrə olduğu kimi dərman istehsalına da təsir ediblər. Nəticədə nə baş verdi? Bəzi dərman istehsalçıları sifarişlərdən imtina etməsi nəticəsində təchizat zənciri qırıldı. Ölkəmizin dərman idxalçıları görüşmüşük. Onlar etibarlı təchizat zəncirini təmin edəcəklər”, -deyə nazir müavini bildirib.

O qeyd edib ki, dərmanların qeydiyyat prosesi ilə bağlı sənədləşmənin sadələşməsi də dərman qıtlığı ilə bağlı problemin qarşısını alacaq.