ABŞ-ın Nyu-York şəhərində yerləşən "Mercer” beynəlxalq konsaltinq şirkəti tərəfindən hər il nəşr olunan “həyat keyfiyyəti araşdırması”nın nəticələri dərc olunub.

"Cebhe.info" xəbər verir ki, “Mercer”in həyat keyfiyyəti reytinqində səhiyyə, təhsil, infrastruktur və sosial-mədəni mühit kimi müxtəlif amillər nəzərə alınıb.

Qərbi Avropadan yeddi, Sakit okeandan iki və Şimali Amerikadan bir şəhər ilk onluğa daxil olub.

Zəngin tarixi, heyrətamiz memarlığı və canlı mədəni mühiti ilə tanınan Avstriyanın paytaxtı Vyana, sakinlərinə müxtəlif aspektlərdə yüksək həyat standartı təqdim etdiyinə görə yenidən siyahıda birinci yerdədir.

Həyat keyfiyyətinin aşağı olduğu şəhərlər siyahıda 241-ci yerdə olan Sudanın paytaxtı Xartum, İraqın paytaxtı Bağdad və Mərkəzi Afrika Respublikasının paytaxtı Banqidir.

Vyanadan sonra yaşamaq üçün ən əlverişli şəhərlər aşağıdakılardır:

Sürix - İsveçrə

Oklend - Yeni Zelandiya

Kopenhagen – Danimarka

Cenevrə - İsveçrə

Frankfurt - Almaniya

Münhen – Almaniya

Vankuver - Kanada

Sidney - Avstraliya

Düsseldorf – Almaniya.