Ötən ay araq, pivə və viski istehsalı artıb
Bu ilin yanvar ayında Azərbaycanda 117,6 min dekalitr araq istehsal edilib.

Bu barədə İndex.az Dövlət Statistika Komitəsinə istinadən xəbər verir.

Məlumata görə, bu, 2023-cü ilin yanvar ayı ilə müqayisədə 38 % çoxdur.

Ötən ay viski, brendi istehsalı isə ötən ilin yanvar ayı ilə müqayisədə 2,9 dəfə artaraq 67 min dekalitr təşkil edib.

Ötən ay Azərbaycanda pivə istehsalı da 2023-cü ilin yanvar ayına nisbətən 28,9 % artaraq 277,2 min dekalitr təşkil edir.

İlin ilk ayında ölkədə üzüm şərabının istehsalı isə 27,3% azalıb. Ötən ay ölkədə 50,8 min dekalitr üzüm şərabı istehsal edilib.