Çinli və amerikalı alimlər Şimal yarımkürəsinin iqlimində əndişə doğuran dəyişikliklər aşkarlayıblar.

"Nature Communications" jurnalı xəbər verir ki, son onilliklərdə burada istilik dalğaları daha da güclənib və çoxalıb.

Bildirilir ki, bu da əhəmiyyətli iqtisadi itkilərə və insanlar arasında qurbanların olmasına gətirib çıxarıb.

Tədqiqat həmçinin müəyyən edib ki, Sakit okeanın ekvatorial hissəsində dəniz səthinin temperaturu Qərbə doğru dəyişib.

Bu da öz növbəsində, iqlim mərkəzlərinin yerdəyişməsinə və Şimal yarımkürəsinin orta enliklərində ekstremal hava hadisələrinin artmasına səbəb olub.