Tibb elmləri doktoru Pavel Traxtman SE-yə ümumi analiz üçün nə qədər tez-tez qan vermək lazım olduğunu deyib.

AzPost xəbər verir ki, onun sözlərinə görə, böyüklər ən azı ildə bir dəfə, bir sıra xəstəliklər olduqda isə altı ayda bir və ya daha tez-tez müayinədən keçməlidirlər.

“Bu, potensial sağlamlıq problemlərini inkişaf etməmişdən əvvəl aşkar etməyə, həmçinin mövcud xəstəliklərin inkişaf dinamikasını izləməyə kömək edir”.

Həkim vurğulayıb ki, ümumi qan analizindən keçmək üçün səhhətinizlə bağlı hər hansı şikayətin olması vacib deyil. Bu, profilaktik tədbir kimi qəbul edilməli olan illik tibbi müayinənin bir hissəsidir.