Ukrayna Səhiyyə Nazirliyinin rəhbəri İlya Yemets Radanın müvafiq komitəsinin iclasında “bütün pensiyaçılar koronavirusdan öləcək” deməsi cəmiyyətdə böyük ajotaj yaradıb.

KONKRET.az xəbər verir ki, bu barədə Facebook-da “Qolos” partiyasından olan deputat Yaroslav Jeleznyak məlumat verib.

Nazir bildirib ki, “xəstəlik uşaqlara təsir etmir, amma bütün yaşlılar öləcək”. Bu açıqlamanı o, tibbi araşdırmaların məlumatları əsasında etdiyini açıqlayıb.

Daha sonra, eyni iclasda Yemets səhvinə görə üzr istəyib. Son məlumatlara görə, 130-dan çox ölkədə 140 mindən çox insan COVID-19 koronavirusuna yoluxub. Bir çoxu artıq sağalıb, amma beş mindən çox insan ölüb.