Gürcüstanda daha iki şəxsin koronavirusa yoluxduğu müəyyən olunub.

KONKRET.az xəbər verir ki, bu barədə Gürcüstan hökumətinin koronavirusla bağlı yaratdığı xüsusi rəsmi saytda bildirilib.

Bununla koronavirus yoluxma hallarının sayı 75-ə yüksəlib. Yoluxanların 10-u tam sağalıb. Hazırda qonşu ölkədə aktiv virus infeksiyası daşıyıcılarının sayı 65 nəfər təşkil edir.

Karantində 4 055, stasionar nəzarətdə isə 252 nəfər saxlanılır.