Gürcüstan parlamentinin erməni əsilli keçmiş deputatı Samvel Petrosyan polis tərəfindən saxlanılıb.

Axar.az xəbər verir ki, bu məlumatı “Mtavari” televiziyası yayıb.

Petrosyanın saxlanmasına səbəb onun Gürcü Arzusunun erməni əsilli deputatı Enzel Mkoyanla davası olub.

Televiziya dava zamanı Mkoyanın odlu silahdan istifadə etdiyini bildirib. Belə ki, onun Petrosyanın barı istiqamətində 5 dəfə silahdan atəş açdığı, amma bunun qarşılığında polisin Petrosyanı saxladığı vurğulanıb.

Qeyd edək ki, sözügedən insident martın 27-də Gürcüstanın Samsxe-Cavaxetiya bölgəsində baş vermişdi.