ABŞ Prezidenti Donald Tramp neft hasilatının ixtisarı ilə bağlı Tvitter səhifəsində paylaşım edib.

Ağ Ev rəhbəri hasilatın sutkada 15 milyon barrelədək ixtisar oluna biləcəyini yazıb:

“Hətta ixtisar sutkada 15 milyon barrel ola bilər. Hamımız üçün əla xəbərlər var”.

Qeyd edək ki, daha əvvəl Tramp Səudiyyə Ərəbistanı və Rusiya ilə danışıqlar apardığını və tərəflərin neft hasilatını sutka ərzində 10 milyon barrelədək ixtisara salacaqlarına ümid etdiyini bildirmişdi. Trampın bu açıqlamasından sonra “Brent” markalı neftin iyun fyuçerslərinin qiyməti 40% bahalaşma ilə bir barrelə görə 35,99 dollara yüksəlib.