Çində 640 min sakini olan Jia rayonu koronavirus səbəbiylə yenidən karantin altına alınıb.

Publika.az İxlas agentliyinə istinadən xəbər verir ki, rayon sakinlərindən birinin koronavirusa yoluxması hakim dairələri hərəkətə keçirib. Onun bir neçə nəfəri yoluxdurduğu istisna edilmir. Bildirilir ki, bölgədə hələ də gizli virus daşıyıcıları var. Məlumata görə, xəstələrin əksəriyyəti koronavirus daşıdığından məlumatsızdır. Karantin qaydalarına görə, sakinlər ancaq xüsusi icazə əsasında evlərini tərk edə bilərlər. Nəqliyyat vasitələrinin hərəkəti məhdudlaşdırılıb.

Qeyd edək ki, Çində virusun yayılması səngidiyinə görə karantin rejimi ləğv edilmişdi.