Qətər Dövlətinin Əmiri şeyx Təmim bin Həməd Al Tani hökumətə 8,2 milyard dollar sərmayə qoyuluşunu nəzərdə tutulan bütün müqavilələri dayandırmaq barədə göstəriş verib.

Azərtac xəbər verir ki, bu addım koronavirus pandemiyası ilə əlaqədar yarana biləcək iqtisadi durğunluqla izah olunur.

Qətər Dövlətinin başçısı hesab edir ki, pandemiya ölkə iqtisadiyyatına və maliyyə bazarlarına mənfi təsir göstərəcək. Onun fikrincə, bu səbəbdən də xərcləri azaltmaq zəruridir.

“Reuters” agentliyinin xəbərinə görə, aprelin 7-də Qətərdə ABŞ dolları ilə denominasiya edilən səhmlərin üçüncü tranşı əməliyyatına başlanılıb. Bu, milli valyutanın dəyərini qorumaq məqsədi daşıyır.