Avropa sərhədlərini bağlı saxlayır:
Avropa Birliyi hələlik koronavirusa görə sərhədləri bağlı saxladığı ölkələrin siyahısını dəyişmək niyyətində deyil.

Cebhe.info xəbər verir ki, vətəndaşlarının AB ərazisinə girişinə qadağa qoyulan ölkələrin sayı dəyişməyib. Bu barədə Brüsseldəki diplomatik mənbə məlumat verib.

Vətəndaşlarının səfərinə icazə verilən ölkələrin siyahısında isə Kanada, Avstraliya, Yeni Zellandiya, Yaponiya, Cənubi Koreya, Tayland, Tunis, Ruanda, Gürcüstan və Uruqvay daxildir. Ancaq bu ölkələrin vətəndaşlarının AB ərazisinə girişinə icazə verilir.

İyundan etibarən Avropa sərhədlərini tədricən açmağa başlasa da, keçmiş SSRİ məkanında siyahıya ancaq Gürcüstan daxil edilib. Səbəb bu ölkədə epidemioloji vəziyyətin nisəbətən qənaətbəxş olmasıdır. Bu ölkədə əsasən birrəqəmli yoluxma qeydə alınır.