Rusiya Belarusun həyatında çox vacib rol oynayır, çünki ölkələrimiz ticarət əlaqələri ilə bir-birinə bağlıdır.

Axar.az xəbər verir ki, bu sözləri belaruslu müxalifətçi Svetlana Tixanovskaya deyib.

Polşanın Karpaç şəhərində keçirilən Beynəlxalq İqtisadi Forumda çıxış edən Svetlana Tihaxovskaya söyləyib:

"Biz Rusiyaya arxa çevirə bilmərik. Rusiya həmişə qonşumuz olacaq və bu ölkə ilə yaxşı əlaqələrə sahib olmalıyıq. İndi bütün ölkələrdən bizə öz problemlərimizlə məşğul olmağa fürsəti verməyi tələb edirik".