Nyu-Yorkda yerləşən Jurnalistləri Müdafiə Komitəsi (CPJ) İrəvan və Bakını jurnalistlərin təhlükəsizliyini təmin etməyə çağırıb.

Cebhe.info xəbər verir ki, sözügedən Komitə rus jurnalistin Dağlıq Qarabağda yaralanmasından sonra bu çağırışı edib. Həmin jurnalistin zərər çəkməsində Ermənistan tərəfi Azərbaycanı günahlandırsa da, rəsmi Bakı bu faktı qətiyyətlə inkar edib. Üstəlik həmin jurnalist də daxil olmaqla xarici jurnalistlərin Azərbaycanın icazəsi olmadan işğal edilmiş ərazilərə gəlməsi qanunsuzdur.

Qeyd edək ki, Ermənistan təxribat məqsədi ilə xarici jurnalistlərin təhlükəsizliyini təmin etmir və onları açıq döyüş bölgəsinə cəlb edir. Azərbaycan Xarici İşlər Nazirliyi (XİN) dəfələrlə bu barədə beynəlxalq təşkilatlara xəbərdarlıq edib.