Ermənistanın baş naziri Nikol Paşinyan, Fransa və ABŞ-ı Rusiyanın Dağlıq Qarabağdakı münaqişənin həlli istiqamətindəki səylərini dəstəkləməyə çağırıb.

Banker.az bu barədə “Ria Novosti”yə istinadən xəbər verir.

“Düşünürəm ki, Rusiya ATƏT-in Minsk qrupunun həmsədri olaraq Dağlıq Qarabağ bölgəsində sülhün bərpa edilməsi də daxil olmaqla, bir çox məsələlərdə əhəmiyyətli rol oynayır. Vurğulamaq istəyirəm ki, Rusiya bölgəmizə ən yaxın həmsədr olduğu halda, digər iki həmsədr – Fransa və ABŞ – Rusiyanın bölgəni sabitləşdirmək üçün göstərdiyi səyləri dəstəkləməlidir ”, – deyə Ermənistanın baş naziri İsveçrənin RTS telekanalına verdiyi müsahibəsində bildirib.

O, bölgədəki vəziyyətin daha da pisləşəcəyi təqdirdə, Rusiya və Kollektiv Təhlükəsizlik Müqaviləsi Təşkilatının (KTMT) Ermənistan qarşısında öhdəliklərini yerinə yetirəcəklərinə dair “açıq bəyanatlara” da işarə edib.