İran, Sərhəd Xidməti tərəfindən Arazın şimalının hədəfə alınmasını təkzib edib
16-10-2020, 10:41
...O bununla yanaşı qeyd edib ki, İranın Sərhəd Xidmətinin Arazın şimalında bəzi hədəflərə qarşılıq verməsi iddiaları da şayiədir
İran Qabarağ döyüşləri fonunda Arazın şimalından ölkə ərazisinə yenidən raket və mərmilərin düşməsinə etiraz edib və ölkənin Sərhəd Xidməti tərəfindən Arazın şimalının hədəfə alınmasını təkzib edib.
Teref.az SalamNews-a istinadla xəbər verir ki, bunu İranın Xarici İşlər Nazirliyinin mətbuat katibi Səid Xətibzadə deyib.
Ötən gün Qarabağ döyüşləri fonunda Arazın şimalından İran ərazisinə 10 ədəd raketin düşdüyünü bildirən İran rəsmisi proseslərin artıq “narahatedici və qəbuledilməz” olduğunu deyib.
O bununla yanaşı qeyd edib ki, İranın Sərhəd Xidmətinin Arazın şimalında bəzi hədəflərə qarşılıq verməsi iddiaları da şayiədir.
İran KİV-lərinin verdiyi məlumata görə cari Qarabağ döyüşləri fonunda Arazın cənubuna 60-dan çox raket və mərmi düşüb.