ABŞ Prezidenti Donald Tramp Çin banklarının birində hesabı olduğunu etiraf edib.
Qazet.az xəbər verir ki, bu barədə “New York Times” məlumat verib.
Qeyd olunub ki, hesab “Trump International Hotels Management” şəbəkəsi tərəfindən idarə edilir və 2013 və 2015-ci illərdə yerli vergilər ($188 561 dollar) ödənilib.
“Hesab Asiyadakı otel bazarının tədqiqatı məqsədilə açılmışdı”, – deyə Trampın sözçüsü bildirib.
Xatırladaq ki, Tramp ABŞ şirkətlərini, o cümlədən, prezidentlik yarışında rəqibi Co Baydeni Çinlə əməkdaşlıq etməkdə günahlandırıb və iki ölkə arasındakı ticarət müharibəsi alovlandırıb.